ტელეწამყვანი და მომღერალი თემო საჯაია სოციალურ ქსელში საგანგებო მიმართვას ავრცელებს, რომელსაც უცვლელად გთავაზობთ:

 

 

თემო საჯაია: "იმ ბავშვების შესახებ, რომლებიც ქუჩაში დგანან… საშინლად გაბრაზებული ვარ!!! გუშინ ვიჯექი ერთ-ერთ ბარში, სადაც შემოვიდა პატარა გოგონა, (ციგნის ბავში,როგორც ვუწოდებთ!!!) რომელსაც ხელში ყვავილები ეჭირა და ყიდდა, აი ისეთი ვარდები ცალობით, რომ ყიდიან ხოლმე. მოკლედ მოვიდა ჩვენს მაგიდასთან და მეუბნება; – ბიძია უყიდე ყვავილი შენს გოგოსო, საშინლად შემეცოდა სიცივისგან გალურჯებული ბავშვი, გარეთ ტემპერატურა მინუს 3 გრადუსი იყო. ის იყო ხელი საფულისკენ წავიღე, რომ უცბად მოვარდა დაწესებულების მენეჯერი და ეცა საცოდავ ბავშვს, რამდენჯერ უნდა გითხრა აქ აღარ შემოხვიდეო, ხალხს აწუხებო, გარეთ დაელოდეო, რომ დამინახა ყვავილის ყიდვას ვაპირებდი, ახლა მეუბნება; არ იყიდოთ არ შეიძლებაო, მაგრამ რა თქმა უნდა, მაინც ვიყიდე… მოკლედ საშინლად დავითრგუნე და გავბრაზდი! გავბრაზდი ყველაზე და ყველაფერზე; სახელმწიფოზე, მენეჯერზე, დაწესებულებაზე და საკუთარ თავზე, რადგან არაფრის შეცვლა არ შემიძლია… მივმართავ ასეთ დაწესებულებებს და მენეჯერებს: ა დ ა მ ი ა ნ ე ბ ო !!! ამ ბავშვებზე არავინ ზრუნავს, არც სახელწიფო, არც ორგანიზაციები და არც საზოგადოება (რომელსაც თავისი გასჭირვებია!!!) და თქვენ, მაინც ნუ იქნებით ასე უსისხლონი, თქვენ მაინც ნუ მოექცევით ასე საშინლად და ხელების გადაგრეხვით ნუ გაყრით პირუტყვებივით გარეთ… ისედაც იმაზე დიდი უსამართლობა არაფერია, როდესაც ბავშვი დგას ხელგაწვდილი ქუჩაში, სიცივეში თუ სიცხეში, ისედაც ამაზე დიდი საშინელების წარმოდგენა შეუძლებელია… არ მინდა პათეტიკური ვიყო და ამიტომ აღარაფერს ვიტყვი გარდა ერთისა: არაფერია უფრო დიდი უსამართლობა ვიდრე ის, რომ ბ ა ვ შ ვ ი ქუჩაში დგას და მშიერი თვალებით ელოდება მოწყალებას… პ.ს. ყველაფერი არის ძლიერ კარგად, ყველაფერი ძლიერ ცუდად არის…"