ჰოლივუდის ზოგიერთი ვარსკვლავი ცდილობს, დამალოს თავისი გრძნობები; ზოგიერთს კი, პირიქით, სიამოვნებს საკუთარი ვნებების დემონსტრირება და ხანდახან ზღვარსაც კი გადადის ხოლმე.

წარმოგიდგენთ, ჩვენი აზრით, ყველაზე თავისუფალ და სექსუალურად გახსნილ წყვილებს. ამ რეიტინგში ყველაზე მოკრძალებულები ჯეისონ სტეტჰემი და როზი ჰანგინგტონ-უაიტლი აღმოჩნდნენ.

სექსუალური პოზის მიუხედავად, ისინი ჩაცმულები მაინც არიან. ჯეისონმა და როზიმ ერთმანეთი 2010 წლის აპრილში Cochella-ს ფესტივალზე გაიცნეს და სულ ცოტა ხანში ერთად დაიწყეს ცხოვრება.

თუმცა გადატვირთული გრაფიკის გამო ხშირად ვერ ახერხებენ ერთად ყოფნას. ალბათ, ამიტომაც არის, რომ შანსს არ უშვებენ ხელიდან, რომ ერთად იყვნენ და გრძნობებიც არ დაფარონ.

ბრიტნი სპირსი და ჯეისონი ერთმანეთის მიმართ ვნებიან სიყვარულს არა მხოლოდ მალიბუს პლაჟსა და მაიამიზე გამოხატავენ, 2011 წელს ახალ სიმღერაზე, "ჩრიმინალზე" გადაღებულ კლიპში ბრიტნი სპირსი და ჯეისონ ტრავიკი საკმაოდ თამამ სცენებში მონაწილეობენ.

კლიპის გადაღება ლონდონში მიმდინარეობდა. ქალაქის თვითმმართველობამ მკაცრად გააკრიტიკა მომღერლის ახალი შემოქმედება.

მცირე ასაკის მიუხედავად, ჯასტინ ბიბერი და სელენა გომესი არანაკლები სითამამით გამოხატავენ საკუთარ გრძნობებს, ვიდრე მათზე მეტად გამოცდილი საყვარლები. ბიბერისა და გომესის ურთიერთობის დასაწყისში ყველას ეგონა, რომ მათი დაწყვილება წარმატებული პიარ-კამპანია იყო.

თუმცა ახალგაზრდების ფოტოების შემხედვარე დარწმუნდებით, რომ მათ შორის ნამდვილად ვნებიანი სიყვარულია.

მეგან ფოქსისა და ბრაიან ოსტინის სიყვარულის ისტორია თავიდანვე წინააღმდეგობებით იყო სავსე. წყვილმა შეხვედრები 2004 წლიდან დაიწყო, მაშინ, როცა მეგანი მხოლოდ 18 წლის იყო.

2009 წელს მეგანმა ნიშნობა ჩაშალა, თუმცა 2010 წელს, როცა გრინმა მორიგი ბრილიანტის ბეჭედი აჩუქა, ქალმა კვლავ მიიღო მისი წინადადება. როგორც ჩანს, ბრაიან ოტსინ გრინი ვერ შეელია ქალს, რომელმაც ასეთი ვნებიანი კოცნა იცის.

მილა იოვოვიჩი და მისი ქმარი პოლ ანდერსონი უკვე ათი წელია, რაც ერთად არიან, მაგრამ დღემდე ახალდაქორწინებულებივით უყვართ ერთმანეთი. მექსიკაში კუთვნილ ვილაზე წყვილმა მორიგი თაფლობის თვე მოიწყო.

მილამ ქმარს სიურპრიზი მოუმზადა: აუზთან გაშიშვლდა და მისთვის ეროტიკული ცეკვა შეასრულა. თუმცა მილას წარმოდგენაც არ ჰქონდა, რომ ქმრის გარდა, მის სექსუალურ ცეკვას პაპარაცებიც აკვირდებოდნენ.

არანაკლები "გულახდილი" სცენები გადაუღეს ფოტოგრაფებმა ქეით ბეკინსეილს, რომელმაც მილაზე ნაკლებად არ იცის, როგორ გაუღვივოს ქმარს ვნება მრავალი წლის თანაცხოვრების მერე.

მიუხედავად იმისა, რომ კიმ კარდაშიანისა და კრის ჰამფრისის ქორწინებამ მხოლოდ 72 დღეს გასტანა და განქორწინების შემდეგ ერთმანეთისთვის ლანძღვა-გინება არ დაუკლიათ, იყო დრო, როცა უერთმანეთოდ წამსაც ვერ ძლებდნენ და საკუთარ გრძნობებს არ მალავდნენ.

ვანესა ჰაჯენსი და ოსტინ ბატლერი გრძნობებს ყველგან და ყოველთვის გამოხატავენ: ნიუ იორკის ქუჩებში სეირნობისას, ეკლესიის კართან, როკჯგუფის კონცერტზე თუ კინოში. მაგრამ ყველაზე ცხელი სცენებით წყვილი მაინც პლაჟზე დააფიქსირეს.

პერის ჰილტონი და საემ უეტსი თავდაპირველად საგულდაგულოდ მალავდნენ რომანს, თუმცა მას მერე, რაც წყვილი კოკაინის შენახვისთვის დააკავეს, იძულებულები გახდნენ, ყველა კარტი გაეხსნათ. თუმცაღა, პერისს მშობლების თანხმობა დასჭირდა იმისათვის, რომ საემთან შეხვედრები გაეგრძელებინა.

მხოლოდ ამის მერე მისცა საკუთარ თავს უფლება პერისმა, მთელი არსებით გადაშვებულიყო ვნების მორევში. ჰილტონი და უეტსი ერთად ჩნდებოდნენ ღონისძიებებზე და არ მალავდნენ პირადი ცხოვრების დეტალებს. თუმცა წყვილი ისე დაშორდა ერთმანეთს, რომ საუკუნის ქორწილი არ შემდგარა.

ჯერი ჰოლიუელმა საკუთარ მაგალითზე დაამტკიცა, რომ მომავალ დედასაც შეუძლია მიეცეს ვნებებს. ყოფილ შეყვარებულთან, ჰენრი ბეკვიტთან ერთად მომღერალს არაერთხელ მოუწყვია რომანტიკული არდადეგები ოკეანის პირას.

წყვილის საყვარელი ადგილი ჰავაისა და მალიბუს პლაჟები იყო. მიუხედავად ყველაფრისა, ჯერი და ჰენრი დღეს ერთად აღარ არიან.

მარკ ჯეიკობსი და ლორენცო მანტონე შედარებით მოკრძალებულები არიან საკუთარი გრძნობების გამოხატვისას. ბოლოსდაბოლოს, ისინი ხომ მამაკაცები არიან?! სიყვარული სიყვარულად და ერთსქესიანებს შორისაც ხდება ხოლმე თურმე განხეთქილებები.

2011 წელს წყვილი ერთმანეთს დაშორდა, თუმცა თანამშრომლობას აგრძელებენ და გამორიცხული არ არის, მათ შორის ოდესღაც არსებულმა თბილმა გრძნობებმა კვლავ გაიღვიძოს.