ავტორი: ირაკლი კვერნაძე
კლიმაქსის დაგდომის შემდეგ უდიდესი მნიშვნელობა ენიჭება ზომიერ დატვირთვას; განსაკუთრებით კი ისეთი შემთხვევების დროს, როდესაც კლიმაქსის მიმდინარეობა იძენს პათოლოგიურ ხასიათს! მარტივი ვარჯიშები აჯანსაღებს თქვენს ორგანიზმსა და ეხმარება, წინააღმდეგობა გაუწიოს მთელ რიგ დარღვევებს მენოპაუზის პერიოდში, რომლებიც გამოწვეულია ჰორმონალური დისბალანსით, ნივთიერებათა ცვლის მოშლით, ნერვული სისტემის დისფუნქციით. გულდასმით შერჩეული და ნორმირებული დატვირთვა არ
იწვევს გადაღლას, სამაგიეროდ აძლიერებს თქვენს ნერვ-კუნთოვან აპარატს, ამაგრებს მუცლის პრესსა და მცირე მენჯის ღრუს კუნთოვან ქსოვილს. ფიზიკური კულტურა ხელს უწყობს საშვილოსნოსა და მისი დანამატების ნორმალურ ურთიერთდამოკიდებულებას მცირე მენჯისა და მუცლის ღრუს ორგანოებთან. გარდა ამისა, ვარჯიში დაგეხმარებათ, თავიდან აიცილოთ ისეთი ტიპიური ასაკობრივი პრობლემები, როგორიცაა: შარდის უნებლიე გამოყოფა და საჭმლის მონელების დარღვევა; სამკურნალო ვარჯიშების შესრულება ხელს უწყობს ნაწლავთა მოტორიკის გაუმჯობესებას, შარდის ბუშტის კედლებისა და სფენქტერის მუსკულატურის ტონუსის მომატებას. კარგია თუ კვირაში 1 – 2-ჯერ ეწვევით საცურაო აუზს ან ტენისის კორტებს; მაგრამ თუ ამის საშუალება არ გაქვთ, მაშინ რეგულარულად შეასრულეთ შემდეგი მარტივი ვარჯიშები:

საფეხურები
1ვარჯიში 1
საწყისი მდგომარეობა: წევხართ სწორ, მაგარ ზედაპირზე; ხელები - ტანის გასწვრივაა, ფეხები - მოხრილი; გაშალეთ ორივე ფეხი და ასწიეთ ისე, რომ ტანთან მიმართებაში იყოს 15 გრადუსით; დაჭიმეთ ტერფები და გადაწიეთ წინ; შემდეგ დაუბრუნდით საწყის მდგომარეობას. გაიმეორეთ ეს ვარჯიში 4-5-ჯერ.
2ვარჯიში 2
საწყისი მდგომარეობა: დგახართ მუხლებზე, ორივე ხელი გადაჭდობილი გაქვთ კისერთან (უკან); გასწორდით, შემდეგ დაიხარეთ ჯერ მარცხნივ, შემდეგ მარჯვნივ ისე, რომ დახრისას მთელი ტანი იყოს მოძრაობაში; შეასრულეთ ასეთი დახრა 7-10-ჯერ თითოეულ მხარეს.
3ვარჯიში 3
საწყისი მდგომარეობა: წევხართ იატაკზე, ფეხებით გიჭირავთ ბურთი ისე რომ იგი მოქცეული იყოს კოჭებს შორის; ასწიეთ ბურთი იმგვარად, რომ ფეხები ტანთან მიმართებაში იყოს 15 გრადუსით; ფეხების (ბურთთან ერთად) აწევა განახორციელეთ ჩახუნთქვისას; საწყისი მდგომარეობას დაუბრუნდით - ამოსუნთქვისას.
4ვარჯიში 4
საწყისი მდგომარეობა: დგახართ სწორად, ფეხები - განზე; ორივე ხელის მტევანი გადააჭდეთ ერთმანეთზე და განახორციელეთ მსუბუქი ზეწოლა მუცელზე ისე, რომ დგომის პოზა არ შეცვალოთ; შეასრულეთ აღნიშნული ვარჯიში 5-6-ჯერ.
5ვარჯიში 5
საწყისი მდგომარეობა: დგახართ სწორად, ფეხები - განზე; ორივე ხელის მტევანი გადააჭდეთ ერთმანეთზე უკან (წელზე); მსუბუქათ დააწექით წელის არეს და დაიხარეთ მთელი ტანით წინ ისე, რომ არ შეცვალოთ დგომის პოზა; შეასრულეთ 7-8 ისეთი მოძრაობა.
6ვარჯიში 6
საწყისი მდგომარეობა: წევხართ გვერდულად; ფეხები მოხრილი გაქვთ იმგვარად, რომ ერთი არის მეორის ზემოთ; მუხლში მაქსიმალურად მოხარეთ ის ფეხი, რომელიც ზემოთაა, შემდეგ პაუზის გარეშე გაასწორეთ იგი და ენერგიულად აიქნიეთ სხეულის პერპენდიკულარულად; გაიმეორეთ მოძრაობა 3-4-ჯერ; შემდეგ შემოტრიალდით და იგივენაირი ვარჯიშიშეასრულეთ მეორე ფეხით.

გაფრთხილებები
ნუ ეცდებით, ბრძოლა გამოუცხადოთ კლიმაქსის სიმპტომებს თვითნებურად; აუცილებელად მიმართეთ კვალიფიციურ ექიმს კონსულტაციისთვის. ეს საშუალებას მოგცემთ, აირჩიოთ მკურნალობის სწორი სქემა და თავიდან აიცილოთ მთელი რიგი პრობლემები! ზოგიერთ შემთხვევაში კლიმაქსი შესაძლოა წარიმართოს პათოლოგიურად და საკმაოდ მძიმედ; ამიტომაცაა მიზანშეწონილი ექიმის დროული ჩარევა!
კლიმაქსის პერიოდში არსებობს სხვადასხვა დაავადებების განვითარების რისკი; ასეთ დაავადებათა ადრეული სიმპტომების გამოცნობა კი მხოლოდ პროფესიონალ ექიმს შეუძლია!